ߒߞߏ ߣߌ߫ ߡߊ߲߬ߘߋ߲߬
ߒߞߏ
ߦߋ߫ ߛߓߍߛߎ߲߫ ߘߋ߬ ߦߋ߫ ߡߌ߲ ߛߌ߲ߘߌ߫ ߙߊ߫ ߝߙߊ߬ߝߌ߲ߣߊ߫ ߓߍ߯ ߦߋ߫
ߝߙߏ߬ߓߦߊߟߊ߸ ߊ߬ ߣߌ߫ ߡߊ߲߬ߘߋ߲ ߡߌߙߌ߲ߘߌ ߎ߬ ߞߊ߲ߡߊ߬ ߞߍߙߍ߲ߞߍߙߍ߲ߠߋ߲ߦߟߊ· ߊ߬ ߛߌ߲ߘߌ߫ ߙߊ߫ ߘߋ߬ ߞߊ߬ ߥߏ ߘߏ߫ ߘߊߕߎߞߎ߲߫ ߡߌ߲ ߕߎ߲߬ ߡߊ߫ ߛߋ߫ ߞߊ߬ ߜߋߙߋ߲߫ ߝߙߊ߬ߝߌ߲߬ ߡߌߙߌ߲ߓߊ ߛߌߦߊߡߊ߲ ߝߍ߬· ߣߊߟߌߡߎ߲߫߸ ߝߊ߬ ߞߊ߲ ߛߓߍ ߦߋ߫· ߛߏߡߐ߰ߦߊ ߛߡߊ߬ߛߋ߲ ߓߍ߯ ߟߊ߫ ߞߎ߲߬ߡߓߊ ߦߋ߫ ߞߊ߬ߟߊ߲ ߣߌ߫ ߛߓߍߟߌ ߘߋ߬ ߦߋ߬ ߢߍߕߊ߮ ߞߍ߫ ߞߊ߫ ߜߍߟߍ߲ ߡߌ߲ ߞߐ߫ ߛߊ߬ߓߎ߫ ߝߏ߫ ߡߐ߱ ߞߵߊ߬ ߞߊ߫ ߘߐ߬ߝߐ ߣߴߊ߬ ߞߊ߬ ߡߟߋߞߎߦߊ ߣߴߊ߬ ߞߊ߬ ߟߐ߲ߞߏ ߣߴߊ߬ ߞߊ߬ ߣߊ߯ߡߎ߲ ߛߐ߬ߙߐ߲߬ ߊ߬ ߢߍߓߊ߮ ߎ߬ ߘߋ߬ ߝߍ߬ ߡߌ߲ ߎ߬ ߝߣߊ߫ ߦߴߏ߬ ߟߊߡߊ߲ߘߌߓߊ߮ ߦߋ߫ ߞߐߡߐ߱ ߎ߬ ߢߍ߫ ߛߊ߫ ߢߍߕߊ߮ ߞߣߊ߬ ߛߋ߲ߠߊߕߌߢߍ߲߫ ߝߌ߬ߟߌ߬ ߞߙߐ ߡߊߕߊ߲ߞߊߕߊ ߎ߬ ߡߊߘߓߊߟߌߦߊ ߞߐߛߐ߲߫؛ ߛߊ߫ ߛߌߙߊ ߢߎߡߊ߲߫ ߘߐ߲ߣߋ߲ ߎ߬ ߞߎ߲߰ ߝߣߊ߫ ߞߣߊ߬ ߕߎߣߎ߲߫ ߞߐߡߐ߱ ߎ߬ ߟߊ߫· ߖߡߊ߬ߣߊ ߕߍ߫ ߛߓߊߕߌ߫ ߝߋߎ߫ ߝߏ߫ ߞߊ߬ߟߊ߲ ߣߌ߫ ߛߓߍߟߌ ߞߊ߬ ߟߐߞߎ ߞߊ߬ ߓߍ߯ ߟߊߛߐ߬ߙߐ߲߬· ߏ߬ ߘߋ߬ ߞߊ߲ߡߊ߬ ߛߓߍߛߎ߲߫ ߛߌ߲ߘߌߓߊ߮ ߦߴߊ߬ ߞߊ߫ ߘߎߢߟߊߕߍ߮ ߓߍ߯ ߓߍ߲߬ ߛߓߍߟߌ ߣߌ߲߬ ߟߊߥߊ߲ߞߊ ߘߋ߬ ߡߊ߬· ߊߟߊ߫ ߞߵߊ߬ ߛߙߊ߬ ߏ߬ ߟߊ߫߸ ߊ߰ ߞߍ߫ ߕߋ߲߬߹ ߒߞߏ ߛߓߍߛߎ߲ ߖߍ߲ߛߍ߲ ߣߊ߫ ߊ߬ ߛߌ߲ߘߌ ߝߊ߯ߘߐߞߍ߫ ߕߟߊ ߟߊ߫ ߖߏ߮ ߡߌ߲ ߠߊ߫ ߏ߬ ߓߴߊ߬ ߦߌ߬ߙߊ߬ ߘߋ߬ ߞߏ߫ ߞߊ߲ ߞߏ ߞߙߎߛߌ߰ߟߋ߲ ߕߎ߲߬ ߓߍ߫ ߡߊ߲߬ߘߋ߲߬ ߡߙߌ߲ߘߌ߫ ߓߍ߯ ߟߊ߫ ߘߋ߬ ߞߊ߬ߓߙߌ߫ ߕߎ߬ߡߊ߫ ߖߊ߲߫· ߒ߬ߞߊ߬߸ ߞߊ߲ ߛߓߍߟߌ ߟߊߕߍ߰ ߙߊ߫ ߛߊ߲߬ ߁߉߄߉ ߘߋ߬ ߟߊ߫ ߛߟߏ߬ߡߣߊ߫ ߞߊ߲ߕߍ߫ ߡߊ߬߸ ߞߊ߬ ߏ߬ ߞߍ߫ ߊ߲ ߣߴ ߊ߲ ߓߋ߲ߓߊ ߎ߬ ߓߍ߯ ߞߊ߫ ߘߎߥߊߥߎ߫ ߡߌ߬ߣߊ߬ߟߋ߲߬ ߦߋ߫ ߊ߲ ߞߐߡߐ߮ ߎ߬ ߡߊ߬ ߞߏ߫ ߊߟߊ߬ ߞߣߊ߬ ߡߊ߲߬ߘߋ߲߬ ߕߏ߫ ߛߓߍߛߎ߲߫ ߒߕߊ߲ߧߊ ߟߊ߫. ߛߓߍߛߎ߲ ߛߌ߲ߘߌ ߞߐ߫ ߸ ߝߏߘߋ߫ ߛߟߏ߬ߡߊ߯ߣߊ߫ ߦߋ߫ ߡߐ߱ ߎ߬ ߟߊߓߌ߬ߟߊ ߘߊߡߌ߬ߣߴߊ߬ ߟߊ߫ ߸ ߡߊ߲߬ߘߋ߲߬ ߞߊ߲ ߝߐߓߊ߮ ߣߴߊ߬ ߝߐߓߊߟߌ ߎ߬ ߓߍ߯ ߞߐ߬ߣߌ߲߫ ، ߞߊ߲߫ ߛߓߍߓߊߟߌߦߊ ߥߎߟߊ ߡߍ߲ ߕߎ߲߬ ߓߍ߫ ߊ߲ ߣߴߊ߲ ߞߊ߲߫ ߝߐ߫ ߢߐ߮ ߎ߬ ߕߍ߫ ߸ ߊ߬ ߦߋ߫ ߏ߬ ߛߎ߬ߙߎ߲ߧߊ߫ ߣߌ߫ ߓߊ߯ߙߊ ߡߌ߲ ߎ߬ ߦߋ߫ ߏ߬ ߘߏ߫ ߝߌߟߍ߫:
ߞߊ߲߫ ߛߌ߬ߟߡߊ߬ߦߊ ߟߐ߲ߠߌ߲ߧߊ ߞߊ߬ߙߊ߲ ߎ߬ ߢߊߦߌ߬ߙߊ߬ ߊ߬ ߕߋ߬ߟߋ ߘߎ߰ߘߋ߲ ߎ߬ ߟߊ߫ ߸ߞߊ߬ ߟߐ߲ߠߌ߲ߧߊ ߞߝߊ ߎ߬ ߸ ߘߐ߬ߝߐ · ߞߝߊ ߎ߬ ߸ ߞߊ߲ ߞߝߊ ߎ߬ ߸ ߊ߬ ߣߌ߫ ߘߏ߫ ߜߘߍ߫ ߎ߫ ߓߍ߯ ߟߊߖߍ߬ߟߋ߲ ߛߓߍ߫ ߒߞߏ ߟߊ߫· ߣߌ߲߬ ߞߍ߫ ߙߊ߫ ߞߎ߲߬ߝߌ߲߬ߧߊ ߝߊ߰ ߡߌߣߊ߲߫ ߘߌߟߋ߲߫ ߘߋ߲߬ ߦߋ߫ ߡߊ߲߬ߘߋ߲ ߣߌ߫ ߝߙߊ߬ߝߌ߲߬ߠߊ ߣߌ߫ ߘߎߢߊ ߓߍ߯ ߡߊ߬· ߊߟߡߊ߬ ߒߞߏ ߓߊߟߏ߫ ߙߊ߫·ߊ߰ ߞߍ߫ ߕߋ߲߬